Scrach programak hezkuntzan izan dezakeen erabilpena izugarria da. Baliabide hau, curriculumeko arlo guztietan erabili dezakegu zuk zeu diseinatzen baituzu nahi duzun ariketa. Erabilpen asko ditu, jolas sinpleak, jolas pedagogikoak, aurkezpen interaktiboak... eta edozein ikasgaian aplika daiteke. Gainera euskaraz dago, gaur egun eskuragarri ditugun baliabide gehienak Ingeleraz edo gazteleraz daudelarik, niretzat aurrera pauso bat da.
Nik, bi ariketa hauek proposatzen ditut, baina nire ustez, Scrach-ak ematen dituen aukerak eta nik erabiltzeko dudan gaitasuna ikusita ez nintzateke ausartuko esatera ariketa hoberenak izango direnik Nire ustez Scrach-ak gaitasun minimo bat eta orduak sartzea eskatzen du behar bezalako ariketak sortzeko.
1.Arrain matematikoak:
Zenbaki ezberdinak dituzten arrain ezberdinak jarriko nituzke. Erdian, arrain handiago bat teklatuarekin edo saguarekin mugitzen dena egongo litzateke eta honetan emaitza jarriko luke. Hori bai, goiko zatian lantzen ari garen eragiketa mota jarriko nuke (batuketa, kenketa, biderketa edo zatiketa). Arrain handia mugituz, daukagun emaitza lortzeko beharrezkoak ditugun zenbakiak (arrainak) jan beharko genituzke. Azkenik, lortzen dugunean zailtasuna igoko litzateke behin eta berriro.
Nire ustez oso erabilgarria izango litzateke adin ezberdinetako umeekin matematikak lantzeko.
2. Xeberino laguna.
Ariketa honetan nahi dugun animalia aukeratuko genuke. Orduan, paisaia batetik ibiltzen(haurrak kontrolatuta) beste animalia batzuekin elkartuko ginateke eta bakoitzarekin lagunarteko elkarrizketa motz bat izango genuke. Elkarrizketa bakoitzean lagun artean erabiltzen diren formak erabiliko nituzke aditz ezberdinekin batera. Horrela, euskaran erabiltzen diren aditzak lantzeaz aparte haurrek lagunekin nola hitz egin ikasiko lukete, eremu erdaldun batean bizi diren umeentzat gauza oso garrantzitsu bat euskaraz erlazionatzen ikasteko.
Hezi eta hazi
Siempre que enseñes, enseña a la vez a dudar de lo que enseñes.
Jose Ortega y Gasset(1883-1955)
Jose Ortega y Gasset(1883-1955)
miércoles, 23 de mayo de 2012
Oskorri "Euskal Herrian euskaraz"
Glogster
Programa hau, edozein ikasgaian erabili daiteke, baina nire ustez musika arloan oso erabilgarria da. Asko gomendatzen dut programa honen erabilera, erabiltzeko duen erraztasunagatik eta gehien bat umeentzako suposatu dezakeen erakarpen bisualagatik. Erabiltzeko, soilik glogsterren web orrian kontua ireki behar da eta hortik aurrera esperimentatzea da. Ehundaka tresna ezberdin ditu eta edozein testu, irudi edo bideo igo dezakezu. Guzti honi esker, mural digital erraz bat lortu dezakegu umeen atentzioa deituko duena edota umeen interaktibitatea bultzatuko duena.
Nik egindako glogster-a Oskorriren "Euskal Herrian euskaraz" abestia jarri dut, honen letra, bideoa eta taldearen informazioa txertatuz. Hau guztiagatik, eta beste pertsona batzuk egindako glogster ezberdinak ikusi ondoren, musika arloan sekulako aukerak ematen dituela uste dut. Baliabide hau erabilita, edozein kanta entzun, irakurri eta ikusi dezakegu, eta nahi izanez gero partiturak ere jar daitezke. Hau horrela izanda, musika klasean era ezberdinean eman daiteke, askoz baliabide auditibo edo bisual gehiagorekin.
martes, 22 de mayo de 2012
NAFARROAKO ERREINUAREN KONKISTA!!!
Time Toast
Programa honek kronogramak egiteko balio du, baina gai asko jorratu daitezke, politika, historia, musika, artea eta kultura, zinema, teknologia eta abar luze bat. Oso erraza da erabiltzeko, nahiko mekanikoa da. Hasieran data tartea ezartzen duzu, gero data puntualak sartu eta hauei argazki bat eta azalpen bat jarri ahal dizkiezu. Bukatuta dagoenean, bi ikusteko era ditu, denbora tarte lineala azalpenak klikatuz gero emanaz, edo zutabeka argazkiak azalpena eta data emanaz. Bi arazo nagusi topatu dizkiot, lehenengoa ingelesez dagoela eta bigarrena beti data bat jartzera behartzen zaituela. Hau dela eta, urte solteak ezin dira jarri bere funtzionamendu mekaniko eta sinpleagatik, baina horrela erabilpena errazten du eta ingeles maila baxuarekin ere erraza da. Hau guztiagatik, nire ustez oso tresna erabilgarria da, denbora tarte batean edozein gai azaltzeko erraztasuna ematen duelako eta umeentzat egokia delako, interaktibitatea eta jolasa gai batekin nahasten baititu.
KRITIKA!!!
Testu, bideo edo aurkezpen hauek irakurri
ondoren, ondorio batzutara heldu gaitezke. Argi dago teknologia berriak edo
IKTak gaizki esarri direla ikastetxeetan, eta baliabide hauek hezkuntzan
erabiltzeko premiek hauen kapazitatea murriztu duela. IKTak ikasgeletan ezarri
zituztenean ekarriko zuten aldaketa metodologikoa ez da nabaritu eta aldaketa
bakarra hezkuntza baliabideen berriketa izan da. Gainera, nire ustez baliabide
hauek gaur egun erabiltzen diren moduan irakaslearen lana errazteko bideratuta
daude. Kontenedorea aldatu dute,
kontenidoa aldatu behar zutenean.
Azken ideia horretatik abiatuta, Schank-ek
hezkuntza sistemari egiten dion kritika azpimarratuko nuke. Nire iritziz,
hezkuntza sistema guztia eraldatu beharra dago, egungo sistemak gizaki
pasiboak, indibidualizatuak, akritikoak eta sumisoak nahi ditu eta horretarako hezkuntza
erabiltzen du, bere sistema kapitalistaren hurrengo langileak sortzeko,
kexatuko ez direnak. Hau guztiagatik, nire aburuz sistemak beldurra dio IKTek
hezkuntzan suposatu dezaketen aldagaia. Eraldaketa metodologiko batekin eta
IKTek ezkaintzen duten laguntzari esker pertsona inteligente, kritiko eta
solidarioak lortu ditzakegu, praktikari esker ikasiko dutenak, elkarren artean
kolektiboki lagunduko direnak eta berdintasunean oinarritutako gizarte batean
biziko direnak.
Hau horrela ikusten dudala, bakarrik gauza bat
esatea geratzen zait. IKTek eraldaketa bat suposatu dezakete hezkuntza sisteman
aurkesten duten baliabidei esker, baina horretarako irakasleak eta familiak
hauek erabiltzen hezi behar ditugu benetako aldaketa metodologiko bat izateko
eta aplikatzeko. Gaur egun, gaztu ekonomiko bat eta irakasleentzako laguntza
bat suposatzen dute bakarrik, baina ezin dugu ahaztu lagundu eta hezi behar
ditugunak haurrak direla, horien ikasketa da erraztu eta hobetu behar duguna.
lunes, 21 de mayo de 2012
Hezkuntza paradigmak
Roberto
Carneirok gure komunikatzeko,
entretenitzeko, negoziatzeko, gobernatzeko
erak aldatuz joan direla dio. Horretan IKTak eragina izaten dute eta
askotan aldaketa horien "errudunak" dira.
Testuan
hiru paradigmei buruz hitz egiten da:
Lehenengo
paradigma, "Hezkuntza zerbitzu gisa" da.Honen arabera hezkuntza
pertsonetan eta hauen komunitatean zentratu beharko liteke, norbanakoari
egokitutako hezkuntza eskainiz, eraginkorragoa izango delako. Eskola ezin da
fabrika bat izan, honek pedagogia berezituak erabiltzea ekiditen baitu eta
horrela ezinezkoa da bakoitzari behar duena eta behar duen bezala ematea.
Bigarren
paradigma, "ikasten duten eskolak" da. Izaten ikasi, ezagutzen ikasi
eta elkarrekin bizi izaten ikasi behar dugula esaten du Roberto Caneirok. Hau bultzatzen
bada ikasketa askoz zabalagoa izango da, baina honetan eskola paper
garrantzitsu bat dauka honen abiarazle izanik.
Azkenik, hirugarren paradigma "ikaskuntza prozesuen eraikuntza" daukagu. Honen arabera edozer ezagutzeko interakzioa behar dugu, mundua ezagutzeko, gauzak, edukiak... Hau da, gauzak esperimentatu eta praktikatu behar ditugu ondo barneratu ahal izateko. Hau guztia eskoletara eraman behar da, haurrek ikasketa egokia jaso dezaten.
Roberto Carneiroren teoriaren azalpen txiki bat:
http://www.slideshare.net/marielasoledadguzmanlopez/roberto-carneiro-agosto-08-2007-maana
Schank
Roger Schank inteligentzia artifizialean
aditua da. Bere ustez hezkuntza politika berria porrot izugarria da,
ordenagailuak beti bezala erabiltzen baitira, gaizki. Esaten duen moduan,
hezkuntza bi gauza dira gaizki egiten direnak, zer irakasten den eta nola irakasten
den. Praktikarekin ikasten dela dio eta ez gaur egun aplikatzen den metodologiarekin,
nola ikasten da bizikletan ibiltzen? Giza adimenak horrela ikasten du eta
eskolak hontara moldatu beharko lirateke benetako bizitzara moldatuz eta ez
bizitza eta esperientziak era teoriko batean ikusten.
Teknologia berriei dagokionez, aplikazioa gaizki
egin da, teknologiak gaur egungo metodologiari moldatuz, alderantziz izan behar
litzatekeenean. Ordenagailuek hezkuntza praktiko bat aurrera eramateko balio
ahal zaizkigu eta horretarako erabili beharko lirateke, simulazioak eginez
adibidez.
Hau guztiaren arrazoia gobernuak direla dio,
hauek kontrolatzen baitute hezkuntza eta noski, ez dute pertsona autonomo eta
inteligenteak nahi, pertsona sinpleak nahi dituzte, galdera asko egiten ez
dituztenak arazoak ezsortzeko.
Hau guztia hobeto ulertzeko hona hemen Eduard Punset-ek Roger Schank-i egindako elkarrizketa:
Hau guztia hobeto ulertzeko hona hemen Eduard Punset-ek Roger Schank-i egindako elkarrizketa:
Eskola 2.0 inkesta
Irakaslegoari egindako inkesta honetan argi uzten dira hainbat ideia gobernuak aplikaturiko eskola 2.0 politikaren inguruan. Argi utzi beharra daukat, nire ustetan inkesta honen emaitzak eskola 2.0 babesteko jarri dituztela, izandako esperientzia dela eta argi ikusi baitut saltzen duten berrikuntza metodologiko hori ez dela eman eta irakasleek formakuntza asko behar dutela.
Inkestari dagokionez honako ideiak dira argienak:
-Ez da IKTen inguruan irakasle homogeneo baten irudia
-IKTak erabiltzen dira, baina berrikuntza teknologiko gutxirekin.
-Irakasleek ikuspegi positiboa daukate IKTen inguruan.
-Nahiz eta IKTak egon testu liburua eta arbel tradizionala baliabide erabilienak izaten jarraitzen dute.
-IKTen koordinatzailearen garrantzia azpimarratzen da.
-Irakasleek formakuntza gehiago eskatzen dute.
Informazio gehiago nahi izatekotan web orri honetan aurkituko duzu, eskola 2.0ko sare soziala:
Inkestari dagokionez honako ideiak dira argienak:
-Ez da IKTen inguruan irakasle homogeneo baten irudia
-IKTak erabiltzen dira, baina berrikuntza teknologiko gutxirekin.
-Irakasleek ikuspegi positiboa daukate IKTen inguruan.
-Nahiz eta IKTak egon testu liburua eta arbel tradizionala baliabide erabilienak izaten jarraitzen dute.
-IKTen koordinatzailearen garrantzia azpimarratzen da.
-Irakasleek formakuntza gehiago eskatzen dute.
Informazio gehiago nahi izatekotan web orri honetan aurkituko duzu, eskola 2.0ko sare soziala:
miércoles, 16 de mayo de 2012
Manel Rives
Manel Rives-en bideoa ikusita honako ideia
nagusiak atera ditzakegu:
-Sistema eraldatu behar da, ez da inbertsio
kontua.
-Jakin behar dugu zer eskola mota nahi dugun.
-Teknologiek ez dute irakaslea aldatzen.
-IKT-ak ikaskuntza bultzatzen dute bakarrik,
baina hori jada bazegoen.
-Ikasleek sortu behar dute ez jaso.
-Eskola eta irakasleak moldatzen jakin behar
dute.
-Esperimentatu behar da.
-Errekurtsoak ez dira aldatu behar, dinamikak
dira aldatu behar direnak.
-Zentzumenak bultzatu behar dira
(matematika+musika)
-Ikasketa interdiziplinarra da.
-Dispositibo mobilek, hezkuntza formaletik
kanpo ikastea ahalbidetzen dute.
-Arriskuaren kultura ezarri behar da.
Honetaz aparte, Manel Rives-i buruzko
informazio interesgarria daukagu helbide honetan, non bere lanaz hitz egiteaz
aparte egindako lan ezberdinak agertzen zaizkigun:
Cristobal Cobo
Cristobal Cobo-ren “ Informazio-teknologien
kontzeptua. KIT definizioen gaineko benchmarking-a ezagutzaren gizartean ”
testuan ideia batzuk atera daitezke. Egia esateko, erabiltzen den hizkera
teknikoa dela eta ulertzeko zaila egiten den testua da, horregatik, testutik
ateratako ideiak nahiko orokorrak dira hurrengo testuan idazle berdinari egiten
dioten elkarrizketa askoz erabilgarriagoa iruditu zaidalako. Testuan zehar
Cobok KIT edo IKT-ak definitzen saiatzen da, horretarako benchmarking ikuspegia
erabiltzen du definizio ezberdinak alderatuz bakarra ateratzeko. Hemendik
ateratako ideia nagusiak hauek dira: 1- Garrantzitsua da ulertzea informaziorako
sarbidearen balore estrategikoa eta honekin hezkuntzarako posibilitate berriak.
2- Hezkuntza sektorea klabea da teknologien munduan ematen ari diren aldaketak
sektore guztien onurarako izateko. 3- Urteetan zehar uste izan da ikastetxeak
modernizatzea IKTen sartzearekin lortuko zela, baina argi ikusi da hori baino
lehenago baldintza batzuen inplementazioa eman behar dela. 4- IKTen aplikazioa
emateko honako elementuei lotuta dago: konpetentzia eta gaitasun marko baten
definizioa, praktika pedagogiko berriak klaseetan ezartzea, ikasketa
prozesuaren uniformetasuna gainditzea, ikasketa informalaren garrantzia
areagotzea eta abar. 5- IKTen barneratzea gaitasun digitalekin lagunduta etorri
behar da.
Cobo-ren
bigarren testu honetan elkarrizketa bat egiten diote, hemen bere tesiak
hobeto ulertzen dira eta argiago azaltzen du bere ikuspuntua. Hasieran,
ikasketa ikusezinaren inguruan galdetzen diote eta argi usten du bere ustetan
hezkuntza sistemek kontuan hartzen ez dituzten ikasketa oso garrantzitsuak daudela. Esaten duenaren arabera, Teknologien
aplikazioan lortu nahi ziren inpaktuak ez dira lortu gauza batzuk lortuko
zirelakoan geundelako eta ez dira lortu. Bestalde, sormena edo arte bultzatzeko
gabezi handiak daudela dio, hau da, bere ustez soilik teknologia berriak
aplikatuz ez dira sormen handiagoko subjektuak sortuko. Berrikuntza erradikal
batetara jo beharko genuke, ez inkrementala, jakintzak transmititzeko era
berrietara. Hezkuntza politikek antzinako akatsak ekidin behar dituzte.Hau
gutxi balitz, Covok, ekarpen batzuk egiten ditu, ordenagailuak klaseetatik
atera behar direla, malguagoak eta informalagoak izan behar garela eta
bakoitzaren sortzeko eta eraikitzeko grinak bultzatu behar direla dio.
Pertsonak bakarrik teoria barneratzeko hezten ditugu eta hori aldatu behar da.
Europak bultzatutako Education & Training programak, jakintza teorikoak eta testuinguru
informaletan jasotako konpetentziak konbinatu behar direla dio. Cristobal
esaten duen eran, formakuntza prozesua
ez dago bizitza errealetik bananduta eta horregatik ebaluatzen duena ezin da
beti irakaslea izan. Ez dugu etorkizuna hainbeste analizatu behar eta
iraganetik ikasi behar dugu, adibidez akatsak zigortzen ditugu, non akatsak
ikasketaren zati garrantzitsu bat diren. Hauek dira bukatzeko Cristobal Covok
ateratzen dituen ondorioak: teknologiak aldatzen doaz baina akats berdinak
betetzen ditugu dispositibo sofistikatuagoetan, atzean geratu diren faktore
batzuk aplikatu behar ditugu gisa-berrikuntza edo berrikuntza informazionala
bezalakoak, teknologiekin loturarik ez dutenak.
Cristobal Cobok emandako hitzaldi intesgarria:
Testu eta baliabide ezberdinen azterketa eta hausnarketa:
Hasteko, azaldu beharko nuke nola egituratu
dudan hausnarketa hau. Argi ikusten denez ez ditut testuak edo beste
baliabideak banan-banan hartu eta analizatu, nire ustetan oso errepikakorra
izango litzateke eta irakurtzeko astuna. Gainera, testu bakoitzaren inguruan
hausnarketa bat egingo banu, ideia asko behin eta berriro errepikatuko
litzateke. Horregatik askoz interesgarria iruditu zait testu guztietatik ideia
nagusiak ateratzea beste baliabide batzuk erabiliz eta azkenik guztiak batuz
nire hausnarketa finala aurkeztea. Hona hemen emaitza:
Suscribirse a:
Entradas (Atom)